الرئيسية || الرئيسية || كتبت شيرين صابر الاخصاى النفسى بمدرسة السلام ببرج النور

كتبت شيرين صابر الاخصاى النفسى بمدرسة السلام ببرج النور

لبوست ده للناس اللي بتضرب ولادها دايما مقدم من الاخصائية النفسية بالمدرسة الاستاذة / شيرين صابر🔻🔻
لو بتحس ان ابنك او بنتك مابيتعلمش الا بالضرب او لو مابيسمعش الكلام الا لما يترزع علقه محترمة
لو هو عنيد في كل حاجة وعدواني ..لو خواف ومبيقدرش يدافع عن نفسه .عنده تبول لا ارادي ومافيش سبب طبي
بيكذب كتير
🔺🔺كل الحالات دي بيكون أسبابها التعامل الغلط مع الطفل
🌺🌺🔴طب اتعامل صح ازاي؟ 🔴🔴
الطفل وخصوصا اطفالنا دلوقت عندهم ادراك عالي جدا وبيجس نبضك في كل حاجة
💠ياريت تحترم طفلك وتحسسه بحبك وبقيمته في حياتك. انت مضغوط مصاريف اكل وهدوم ومدارس ورحلات ودكاترة
🔵بس هو كطفل مش هيستوعب غير تصرفات مباشرة
🔲بابا بيضربني دايما يبقي بيكرهني، ماما بتشتمني يبقي انا مااستحقش الاحترام
🔲ماما قالت انا غبي هي والمدرسة ابقي انا غبي وهكذا طيب لما يغلط اعاقبه ازاي؟
🔴العقاب بيختلف حسب طبيعة الطفل وكل ماحسستيه باحترامك ليه وانك ماكنتيش متوقعه منه التصرف ده بيحاول يعدله طبعا هو هينسى ويعمل كده تاني وساعات هيتعمد يكرر التصرف عشان يجس نبضك
👈👈هنا بقي لازم نكون حاسمين اما بتذكيره بعدم تكرار الخطأ او عقابه لو متعمد زي مثلا احرمه من اللعب ساعه معينة كعقاب لازم يكون عندك انشطة تقدري تحرميه منها
يعني انا ساعات بقول للولاد في الفصل العقاب هنبطل كتابة 5 دقايق مع انهم مبيكونوش عايزين يكتبوا بس لما حطيت عدم الكتابة في شكل عقاب بقوا عايزين يكتبوا
💠💠طب لو السلوك الوحش ابتدى يختفي لازم امدح طفلي
🌺🌺المدح هو اهم جايزة للطفل بيحس بقيمة نفسه وكل مايعمل سلوك ايجابي امدحه وبين كل فتره اخرجه كجايزة او اجيب له حاجة جديدة اسمح له بساعة لعب زيادة اوديه يزور عيلته وافهمه ان دي عشان تصرفاته الحلوة متوقفيش المكافأت علي هدايا وشيكولاتات عشان ميبقاش طفلك مادي.
🌺🌺الانسان وخصوصا الطفل بيحب لفت الانتباه فلو انت دايما منتبهه لغلطاته هيتعب قلبك من كترها ولو انت كل سلوك حلو بتقولي له كويس هيكرره #والمدح لازم يكون صادق يعني لو ابني رسم رسمة حلوة بس تنفع تكون احسن هقول له حلوة قوي واشجعه يعمل احسن بس مش هقول له انت فنان انت احسن واحد بترسم
🌺🌺ياريت نتجنب الكلمات اللي بتضايق الطفل ومقارنته بغيره حتى لو اخوه ده معناه انك مش متقبلاه وبتخليه يكره اللي بتقارنيه بيه ويفضل طول عمره يقارن بينه وبين الناس
عشان تشجعيه قارنيه بنفسه يعني تقولي انا مبسوطة ان درجتك بقت احسن وان شاء الله المرة الجاية تتعوض لو درجته قلت متقوليش ازاي ابن عمك جاب اكتر منك
ولكن تقولي له انت كنت احسن من كده تعال نشوف ايه اللي حصل ونحاول نحل المشكلة هل مذاكرتش كويس ولا كنت محتاج وقت زياده هل مركزتش في السؤال

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

أتفاقية حقوق الطفل

أتفاقية حقوق الطفل   المادة ...

فى اطار الاستعداد للعام الدراسى الجديد 2017/2016

السيد المحترم مدير مدرسة /……………………………………………………….. ...

فوز المدرسة بأفضل مدير مدرسة 2016

بالصور: ملخص اللائحة التنفيذية لقانون الخدمة المدنية 19_2015

اللائحة التنفيذية لقانون الخدمة المدنية

اللائحة التنفيذية لقانون الخدمة المدنية ...